اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ وزیراعظم عمران خان دل سے اپنے عوام کی خوشحالی چاہتے ہیں۔
تفصیلات کے مطابق سماجی رابطے کی ویب سائٹ ٹویٹر پر فواد چوہدری نے اپنے پیغام میں کہا کہ سیاست کی کہکشاں میں عمران خان حقیقی ستارہ بن کر ابھرے ہیں۔
وفاقی وزیر نے کہا کہ وزیراعظم عمران خان پاکستانیوں کی ترقی کی امید کی نمائندگی کرتے ہیں، عمران خان دل سے اپنے عوام کی خوشحالی چاہتے ہیں۔
Imran Khan has arisen like a true star on the Galaxy of Pak politics,he represents a hope of Pakistanis to riseNshine,Pak is not an easy country to rule nor he is a monarch but fact is he wants to do good for people and his heart is at the right place,all the best @ImranKhanPTI
— Ch Fawad Hussain (@fawadchaudhry) August 18, 2019
فواد چوہدری نے کہا کہ حکمرانی کے لیے پاکستان آسان ملک نہیں ہے انہوں نے عمران خان کے لیے نیک خواہشات کا اظہار کیا۔
انہوں نے کہا کہ انتہا پسند ٹولہ بھارت کوکنٹرول کر رہا ہے، پی5 اور یورپ بھارت کے ایٹمی اثاثے پرنظررکھنے کے لیے کمیشن بنائیں، بھارت کے جوہری ہتھیاروں کاغلط استعمال حقیقت ہے، دنیا کو فکر کرنی چاہیے۔
دنیا سنجیدگی سے بھارتی ایٹمی ہتھیاروں کی حفاظت پرتوجہ دے، وزیراعظم
یاد رہے کہ گزشتہ روز وزیراعظم عمران خان کا کہنا تھا کہ جس طرح جرمنی پر نازیوں نے قبضہ کیا تھا بالکل اسی طرح بھارت پر ہندو برتری کی خواہش مند انتہا پسند اور نسل پرست نظریات سے قائل مودی حکومت قابض ہے۔
وزیراعظم کا کہنا تھا کہ دنیا سنجیدگی سے بھارتی ایٹمی ہتھیاروں کی حفاظت پر توجہ دے، بھارتی ایٹمی ہتھیار فاشست مودی کے ہاتھوں میں ہے۔
