اسلام آباد : تحریک انصاف کے رہنما فواد چوہدری کا کہنا ہے کہ ممبران اسمبلی کےاستعفے عدالت میں چیلنج کرنےکاکوئی ارادہ نہیں رکھتے ، مرکز، سندھ اوربلوچستان میں انتخابات چندہفتےکی دوری پر ہیں۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ ممبران اسمبلی کےاستعفےعدالت میں چیلنج کرنےکاکوئی ارادہ نہیں رکھتے، تمام اراکین نےاستعفیٰ عام انتخابات کی راہ ہموار کرنےکیلئےدیاتھا۔
فوادد چوہدری کا کہنا تھا کہ وہ منزل اب قریب ہے، اس وقت 64 فیصد نشستیں خالی ہو چکی ہیں، پنجاب اورخیبرپختونخوا میں عام انتخابات کا ڈھول بج چکا۔
تحریک انصاف ممبران اسمبلی کے استعفوں کو عدالت میں چیلنج کرنے کا کوئ ارادہ نہیں رکھتی،تمام اراکین نے استعفیٰ ملک میں عام انتخابات کی راہ ہموار کرنے کیلئے دیا تھا وہ منزل اب قریب ہے،اس وقت 64% نشستیں خالی ہو چکی ہیں پنجاب اورخیبرپختونخواہ میں عام انتخابات کا ڈھول بج چکا https://t.co/7yJAfrVRTX
— Ch Fawad Hussain (@fawadchaudhry) January 21, 2023
ایک اور ٹوئٹ میں پی ٹی آئی رہنما نے لکھا کہ مرکز، سندھ اوربلوچستان میں انتخابات چندہفتےکی دوری پرہیں، عام انتخابات پاکستان کے بحران کا واحد حل ہیں۔
ان کا کہنا تھا کہ سیاسی استحکام کےبغیر آئی ایم ایف پروگرام میں جانا تباہ کن ہو گا، ایسا کیا گیا تو سیاسی عدم استحکام بڑھے گا اور صورتحال خراب ہو گی، عوام میں مایوسی بڑھتی جا رہی ہے۔
مرکز سندہ اوربلوچستان میں انتخابات چند ہفتوں کی دوری پر ہیں، عام انتخابات پاکستان کے بحران کا واحد حل ہیں سیاسی استحکام کے بغیر IMF پروگرام میں جانا تباہ کن ہو گا ایسا کیا گیا تو سیاسی عدم استحکام بڑھے گا اور صورتحال خراب ہو گی، عوام میں مایوسی بڑھتی جا رہی ہے
— Ch Fawad Hussain (@fawadchaudhry) January 21, 2023