The news is by your side.

Advertisement

پاکستان میں کسی کوریاست کی رٹ چیلنج کرنے نہیں دیں گے‘ فواد چوہدری

اسلام آباد: وفاقی وزیراطلاعات فواد چوہدری کا کہنا ہے کہ مذہب کی جبری تبدیلی اسلام کے بنیادی اصولوں کے خلاف ہے۔

تفصیلات کے مطابق وفاقی وزیر اطلاعات ونشریات فواد چوہدری نے برطانوی نشریاتی ادارے کو انٹرویو میں کہا کہ پاکستان کی سر زمین کسی کے خلاف استعمال نہیں کرنے دیں گے۔

انہوں نے کہا کہ پاکستان میں کسی کوریاست کی رٹ چیلنج کرنے نہیں دیں گے، فی الحال علم نہیں کہ مسعود اظہر کہاں ہیں۔

فواد چوہدری نے کہا کہ پاکستان میں اقلیتوں کوحقوق کی مکمل آزادی ہے، مذہب کی جبری تبدیلی اسلام کے بنیادی اصولوں کے خلاف ہے، ایسا ہوا ہے تو ذمے داروں کے خلاف کارروائی ہوگی۔

وفاقی وزیر اطلاعات نے کہا کہ فیاض الحسن چوہان کوہندو برادری سے متعلق نامناسب بات پر ہٹایا گیا، پی ٹی آئی پاکستان کے جھنڈے میں سفید رنگ کی بہت عزت کرتی ہے۔

وزیراعظم عمران خان نے سندھ سے 2 ہندو لڑکیوں کے اغوا کا نوٹس لے لیا

یاد رہے کہ دو روز قبل وفاقی وزیر اطلاعات فواد چوہدری نے سماجی رابطے کی ویب سائٹ ٹویٹر پر اپنے پیغام میں کہا تھا کہ دو ہندو لڑکیوں کو سندھ سے اغوا کرکے رحیم یارخان منتقل کیا گیا۔

فواد چوہدری کا کہنا تھا کہ وزیراعظم عمران خان نے عثمان بزدار کو ہدایت کی ہے کہ اس معاملے کی فوری تحقیقات کی جائیں اور اگرایسا ہے تو بچیوں کو بازیاب کرایا جائے۔

Comments

comments

یہ بھی پڑھیں