اسلام آباد : وزیراطلاعات فوادچوہدری کا کہنا ہے کہ 50 سے زیادہ لوگ جیل جائیں گے،اب پیسے بچانے کیلئے سیاست ہورہی ہے۔
تفصیلات کے مطابق وزیراطلاعات فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا کہ خواجہ حارث سینئر وکیل ہیں، انھوں نے نوازشریف کیس کی کروڑوں روپےفیس لی، خواجہ حارث فیس نہ لیتے تو مانتے کہ نوازشریف کو سزا ہونی چاہیے، بدقسمتی ہےفول پروف مقدمات ختم ہونےمیں سالوں لگ جاتے ہیں۔
فوادچوہدری کا کہنا تھا کہ اپوزیشن کےپاس کوئی لیڈرشپ ہےنہ نظریہ ہے، اب پیسےبچانےکیلئےسیاست ہورہی ہے، 50سے زیادہ لوگ جیل جائیں گے۔
خواجہ حارث سینئر وکیل ہیںاگر کروڑوں روپے فیس نہ لی ہوتی تو وہ بھی مان جاتے کہ کیس میں نواز شریف کو سزا ہونی چاہئے،بدقسمتی ہے ایسے فول پروف مقدمات ختم ہونے میں سالوں لگ جاتے ہیں۔اپوزیشن کے پاس کوئ لیڈرشپ ہے نہ نظریہ صرف پیسے بچانے کیلئےسیاست ہو رہی ہے،پچاس سے زیادہ جیل جائیں گے
— Ch Fawad Hussain (@fawadchaudhry) October 26, 2018
یاد رہے گذشتہ روز وزیر اطلاعات نے میڈیا پر اپنے بیان میں کہا تھا کہ نواز شریف 100فیصدجیل جائیں گے، جس پر مسلم لیگ ن کی رہنما مریم اورنگزیب نے عدالت سے سوموٹو لینے کا مطالبہ کیا تھا۔
وزیر اطلاعات فواد چوہدری کا کہنا تھا کہ کہ اپوزیشن کی اے پی سی کامیاب کرانے کے لیے تعاون پر تیار ہیں، اپوزیشن رونا دھونا بند کرے اور پاکستان کے لیے متحد ہو جائے۔
این آر او کے حوالے سے انھوں نے کہا تھا کہ یہ پوچھیں این آر او کون کون نہیں مانگ رہا ہے، پیسے لیں گے نہ چھوڑیں گے وزیراعظم نے واضح کردیا ہے، میاں صاحب آج کل اپنے اکاؤنٹنٹ کے ساتھ مصروف ہوں گے، حساب کتاب لگا رہے ہوں گے کہ کتنا پیسا پاکستان کو دینا ہے۔
