The news is by your side.

Advertisement

ملک کی بدترین اقتصادی صورت حال کی ذمہ دار ن لیگ ہے، فواد چوہدری

اسلام آباد: وفاقی وزیراطلاعات ونشریات فواد چوہدری کا کہنا ہے کہ بدعنوان عناصر سے رقم واپس حاصل کرنے کے لیے پلی بارگین ایک آپشن ہوسکتا ہے۔

تفصیلات کے مطابق وفاقی وزیراطلاعات فواد چوہدری نے ملک کی بدترین اقتصادی صورت حال کا ذمہ دار مسلم لیگ ن کو قرار دے دیا۔

انہوں نے کہا کہ مسلم لیگ ن کے پاس پاکستان تحریک انصاف کی حکومت کی اقتصادی پالیسیوں پر تنقید کو کوئی جواز نہیں ہے۔

فواد چوہدری نے کہا کہ حکومت نے آئی ایم ایف کی سخت شرائط سے بچنے کے لیے مالی امداد کے لیے سعودی عرب، یو اے ای اور دوسرے دوست ممالک سے رابطہ کیا۔

وفاقی وزیراطلاعات ونشریات نے کہا کہ مسلم لیگ ن اور پیپلزپارٹی نے ایک دوسرے سے کرپشن کے طریقے سیکھے۔

فواد چوہدری نے کہا کہ بدعنوان عناصر سے رقم واپس حاصل کرنے کے لیے پلی بارگین ایک آپشن ہوسکتا ہے۔

انہوں نے کہا کہ دہشت گردوں اور ان کے سہولت کاروں کی مالی معاونت کرنے والوں کے خاتمے کی بھی ضرورت ہے۔

یاد رہے کہ دو روز قبل وفاقی وزیر اطلاعات فواد چوہدری کا کہنا تھا کہ آصف علی زرداری نے شریف خاندان کے طرز پر کرپشن کی، اور کرپشن کے لیے بینک ہی خرید لیا۔

Comments

comments

یہ بھی پڑھیں