پی ٹی آئی کی کام یابی عمران خان پر اعتماد کا اظہار ہے، فواد چوہدری -
The news is by your side.

Advertisement

پی ٹی آئی کی کام یابی عمران خان پر اعتماد کا اظہار ہے، فواد چوہدری

اسلام آباد: وفاقی وزیرِ اطلاعات فواد چوہدری نے کراچی میں ضمنی انتخابات میں تحریک انصاف کی جیت پر کہا کہ پی ٹی آئی کی کام یابی عمران خان پر اعتماد کا اظہار ہے۔

تفصیلات کے مطابق فواد چوہدری نے شہرِ قائد میں ایم کیو ایم پاکستان کے مقابلے میں پی ٹی آئی کی واضح کام یابی کو وزیرِ اعظم عمران خان پر اعتماد کا اظہار قرار دیا۔

وزیرِ اطلاعات نے سماجی رابطوں کی ویب سائٹ ٹویٹر پر ٹویٹ کرتے ہوئے کہا کہ کراچی نے لسانی سیاست رد کر کے قومی سیاست کا انتخاب کیا۔

فواد چوہدری نے کہا کہ ضمنی الیکشن میں تحریکِ انصاف کی کام یابی انشاء اللہ پاکستان کے روشن مستقبل کی نوید ہے۔

دوسری طرف ایم کیو ایم پاکستان نے شہرِ قائد میں ہونے والے ضمنی الیکشن کے نتائج مسترد کر دیے، پریس کانفرنس کرتے ہوئے ایم کیو ایم کے رہنماؤں نے نتائج کو جانب دار قرار دے دیا۔


یہ بھی پڑھیں: ضمنی انتخابات، تحریک انصاف کا کراچی سے کلین سوئپ،پشاور میں اے این پی کامیاب


واضح رہے کہ قومی اسمبلی کی ایک اور صوبائی اسمبلیوں کی دو نشستوں پر ہونے والے ضمنی انتخابات کے غیر حتمی غیر سرکاری نتائج کے مطابق این اے 247 اور پی ایس 111 میں تحریک انصاف کو جب کہ پی کے 71 میں عوامی نیشنل پارٹی کو برتری حاصل ہے۔

Comments

comments

یہ بھی پڑھیں