اسلام آباد : مقامی عدالت نے دھوکا دہی کیس میں سابق پی ٹی آئی رہنما فواد چوہدری کے مزید جسمانی ریمانڈ کی استدعا مسترد کرتے ہوئے جوڈیشل ریمانڈ پرجیل بھیج دیا۔
تفصیلات کے مطابق اسلام آباد کی مقامی عدالت میں سابق پی ٹی آئی رہنما فواد چوہدری دھوکا دہی اور دھمکی کیس کی سماعت ہوئی، فواد چوہدری کوایک روزہ جسمانی ریمانڈ کے بعد جوڈیشل مجسٹریٹ یاسر محمود کی عدالت مین پیش کیا گیا۔
دوران سماعت فواد چوہدری کی درخواست پر انہیں وکلاء سے مشاورت کرنے کا وقت بھی دیا گیا، وکلاء سے مشاورت کے بعد فواد چوہدری روسٹرم پر آئے۔
فواد چوہدری نے موقف اپنایا کہ تیسری پیشی ہے اورمدعی مقدمہ سامنے نہیں آیا، وہ غائب ہے، اگر اسے ڈرایا گیا ہے تو میرے ساتھ پولیس گارڈز ہوں گے، ان سے میرا کوئی تعلق نہیں، گرفتارکرنا ہے تو کرلیں۔
فواد چوہدری کاکہنا تھا کیس عدالت کے سامنے ہے، جس پر عدالت نے پی ٹی آئی رہنما فواد چوہدری کے مزید جسمانی ریمانڈ کی استدعا مسترد کرتے ہوئے جوڈیشل ریمانڈ پرجیل بھیج دیا۔۔
