اسلام آباد: سابق وفاقی وزیر اور رہنما پاکستان تحریک انصاف فواد چوہدری نے سپر ٹیکس نافذ کرنے کے فیصلے حکومت کو آڑے ہاتھوں لیا ہے۔
تفصیلات کے مطابق حکومت کی جانب سے صنعتوں پر دس فیصد سپر ٹیکس نافذ کرنے کے اعلان پر فواد چوہدری نے کہا کہ انکے آنے کے بعد لگ رہا ہے جیسے زلزلہ آگیا یا پاکستان پر جنگ مسلط ہوگئی ہے،روزانہ کی بنیاد پر مہنگائی بڑھتی جارہی ہے، انہوں نے پاکستان کی پوری معیشت کو ہلا کر رکھ دیا ہے۔
فواد چوہدری نے کہا کہ یہ بغیر سوچے سمجھے فیصلے کرر ہےہیں جس پر بڑا ردعمل آتاہے، پاکستان کی معیشت اور صنعت کا دارومدار کاروباری طبقے پر ہے، ان کی پالیسیز کی وجہ سے پاکستان دیوالیہ ہونے جارہاہے۔
موجودہ حکومت کو عارضی قرار دیتے ہوئے سابق وفاقی وزیر کا کہنا تھا کہ واحد حل یہی ہے کہ ملک میں فوری عام انتخابات کرائےجائیں۔
Comments
- Advertisement -