The news is by your side.

Advertisement

فواد چوہدری کا بل کی منظوری میں بلواسطہ ساتھ دینے پر یوسف رضا گیلانی کا شکریہ

اسلام آباد : وفاقی وزیر اطلاعات فواد چوہدری کا بل کی منظوری میں بلواسطہ ساتھ دینے پر یوسف رضا گیلانی کا شکریہ ادا کرتے ہوئے کہا تنہا عمران خان کے سامنے پوری اپوزیشن ڈھیر ہوگئی۔

تفصیلات کے مطابق وفاقی وزیر اطلاعات فواد چوہدری نے میڈیا سے گفتگو کرتے ہوئے کہا کہ آج اپوزیشن کی شکست میں ایک اور اضافہ ہوا، اپوزیشن قومی اسمبلی میں عدم اعتماد لانے کاخواب دیکھ رہی تھی، اب سینیٹ میں نام نہاد اکثریت کے باوجود اپوزیشن کو شکست ہوئی۔

فواد چوہدری کا کہنا تھا کہ پاکستان کی معیشت اور روپے کی قدرمیں استحکام آئےگا، آئی ایم ایف سےمعاہدےمیں کریڈٹ ریٹنگ بہترہوجاتی ہے، یہ خواب ان کاوہاں بھی پورانہیں ہواجہاں انکی نام نہاد اکثریت ہے، میں نے پہلے کہا تھا نہ تیر چلے گا نہ تلوارمیرے بازوآزمائے ہوئے ہیں۔

وفاقی وزیر نے کہا کہ انہیں لفٹ نہ کرایاجائےتوانکی سیاسی پالیسی نہیں ہے، اس بری شکست کے بعد اپوزیشن سکون سےہوگی اور کچھ دن اچھےنکل جائیں گے۔

ان کا کہنا تھا کہ آج کی شکست نے اپوزیشن کی سیاسی تباہی پرمہرلگادی، اپوزیشن چوں چوں کامربہ ہے، منتشر اپوزیشن کی ناکارہ حکمت عملی پرایک اور شکست ان کا مقدربنی۔

اپوزیشن کے حوالے سے فواد چوہدری نے کہا کہ تنہا عمران خان کے سامنے پوری اپوزیشن ڈھیر ہوگئی، ن لیگ میں لیڈرشپ کی لڑائی جاری ہے، اسی طرح پیپلز پارٹی میں کسی کوپتانہیں کیابات کرنی ہے اور فضل الرحمان ریلوکٹےہیں کبھی ن لیگ پکڑلیتی ہے توکبھی کوئی۔

وزیر اطلاعات کا کہنا تھا کہ حکومت اورپی ٹی آئی نےایک بارپھرسینیٹ میں برتری ثابت کردی، سینیٹ سے جوبل آج پاس ہوااس پرقوم کومبارک باددیناچاہتاہوں ، اب اسٹیٹ بینک آزادادارہ ہوگا اسے سیاسی دباؤ سے آزاد کیاہے۔

عمران خان سے متعلق انھوں نے کہا کہ وزیراعظم کے دورہ لاہور کے 2 بنیادی مقصدہیں، راوی پراجیکٹ سےمتعلق پنجاب حکومت نے سپریم کورٹ میں اپیل دائرکردی، لاہور کے ساتھ نیا شہر بسایا جارہا ہے، ہائی کورٹ نے اس پر تحفظات کا اظہار کیا ہے۔

فواد چوہدری کا کہنا تھا کہ حکومت کوحق ہےکہ وہ نئےشہربسائے، پالیسی فیصلوں میں جب عدالتیں گئیں اس کا فائدہ نہیں ہوا، جب بھی عدالت نے اختیار سے تجاوز کیا ملک کو نقصان ہوا، پارلیمنٹ کا اختیارپارلیمنٹ اور جوڈیشری کاجوڈیشری کےپاس رہنا چاہئے۔

وفاقی وزیر نے مزید کہا کہ نئے پاکستان کا خواب شخصیات پر مبنی نہیں ہے، نئےپاکستان کاخواب وہ ہےجولوگوں نےدیکھےہیں، نئے پاکستان کےلئے لائحہ عمل شخصیات سے بڑھ کر ہے۔

ان کا کہنا تھا کہ پہلی بارٹاپ لیول پرایسی حکومت آئی جس پرکوئی کرپشن کاالزام نہیں لگا، جوپالیسی ہم لائےاس نےپاکستان کوگیم چینجر بنا دیا ہے، یوسف گیلانی کا شکریہ کہ اس بل کی منظوری میں حکومت کاساتھ دیا۔

نوازشریف سےمتعلق بات کرتے ہوئے فواد چوہدری نے کہا کہ نواز شریف خود واپس نہیں آرہے انہیں لایاجارہاہے ، پورےلندن میں کوئی ریسٹورنٹ ایسانہیں جہاں نوازشریف نہ گئےہوں، اب انہیں لگ رہاہے کہ وہاں کی عدالتیں سہارا نہیں دں گے۔

وفاقی وزیر نے انکشاف کیا کہ شاہدخاقان،ن لیگ کےکچھ دوست نوازشریف کیخلاف عدم اعتمادلانےکاارادہ رکھتےہیں، نوازشریف کیلئے کوٹ لکھ پت جیل میں نئے باتھ روم کمرے تیار کیے ہیں۔

Comments

یہ بھی پڑھیں