اسلام آباد: وفاقی وزیر برائے اطلاعات و نشریات فواد چوہدری کا کہنا ہے کہ بھارت نے 5 غیر ملکی صحافیوں کو پاکستان آنے کی اجازت دینے سے انکار کردیا، صحافیوں کو 5 اگست کو آزاد کشمیر اسمبلی کے اجلاس میں شرکت کرنی تھی۔
تفصیلات کے مطابق وفاقی وزیر برائے اطلاعات و نشریات فواد چوہدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ بھارت نے 5 غیر ملکی صحافیوں کو پاکستان آنے کی اجازت دینے سے انکار کردیا۔
فواد چوہدری کا کہنا تھا کہ صحافیوں کو 5 اگست کو آزاد کشمیر اسمبلی کے اجلاس میں شرکت کرنی تھی۔
انہوں نے کہا کہ بھارت سے مطالبہ ہے کہ صحافیوں کو آزاد کشمیر کا دورہ کرنے دیں، صحافیوں کے آزاد کشمیر کے دورے سے حقائق سامنے آسکیں گے۔
India has refused to allow five foreign journalists permission to visit Pak, they were supposed to attend 5th August session of Azad Kashmir Assembly, so much of #FreedomofExpression we want India to allow independent Journalists to visit IOK and let them report facts
— Ch Fawad Hussain (@fawadchaudhry) August 4, 2021
