اسلام آباد : پاکستان تحریک انصاف کے ترجمان فواد چوہدری کا کہنا ہے کہ عمران خان کی اوورسیز پاکستانیوں کے لئے جدوجہد کامیاب ہوگئی، سپریم کورٹ نے اوورسیز پاکستانیوں کو ووٹ کا حق دے دیا۔
تفصیلات کے مطابق پی ٹی آئی کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا آج اوورسیزپاکستانیوں کے لئے بڑا دن ہے، سپریم کورٹ نے اوورسیزپاکستانیوں کوووٹ کا حق دے دیا، عمران خان کی اوورسیزپاکستانیوں کے لئے جدوجہد کامیاب ہوگئی۔
Big day for Overseas Pakistanis,long struggle of @ImranKhanPTI to bring Overseas Pakistanis in mainstram has succeeded,SC of Pak under the able leadership of CJP Saqib Nisar has allowed Voting rights and has laid down procedures for eVoting #PTI
— Fawad Hussain (@fawadchaudhry) August 17, 2018
یاد رہے کہ سپریم کورٹ نے ضمنی انتخابات میں اوورسیز پاکستانیوں کو ووٹ ڈالنے کی اجازت دے دی۔
مزید پڑھیں : سپریم کورٹ نے بیرون ملک مقیم پاکستانیوں کو ووٹ کا حق دے دیا
جسٹس ثاقب نثار نے اوورسیزپاکستانیوں کو مبارک باد دی اور کہا کہ اوورسیز پاکستانیوں کے ووٹ ڈالنے کے حق کوتسلیم کرلیا، . اب عمل درآمد کرانے کا معاملہ اور انتخابات کرانا الیکشن کمیشن کا کام ہے۔
عدالت نے حکم دیا کہ ضمنی انتخابات میں اوورسیز پاکستانیوں کے نتائج کو پارلیمنٹ میں بھی پیش کیا جائے۔
خیال رہے سپریم کورٹ میں اوورسیز پاکستانیوں ووٹ کا حق دینے سے متعلق درخواست چیئرمین پی ٹی آئی عمران خان نے دائر کر رکھی تھی۔
