The news is by your side.

Advertisement

‏’عمران خان کہتے ہیں 2 قسم کے کھلاڑی ہوتے ہیں‘‏

وفاقی وزیراطلاعات و نشریات فواد چوہدری نے کہا ہے کہ میں نےآج کی تمام مصروفیت منسوخ کردی ہیں ٹیم کے ‏ہر کھلاڑی کے پاس سپراسٹار بننےکا موقع ہے۔

پاک آسٹریلیا سیمی فائنل سے متعلق اے آر وائی نیوز سے خصوصی گفتگو کرتے ہوئے فوادچوہدری نے کہا کہ ‏وزیراعظم کہتے ہیں2 قسم کےکھلاڑی ہوتےہیں ایک ایسےکھلاڑی ہوتے ہیں جنہیں ہارنےکا خوف ہوتا ہے اور ایک ‏ایسے کھلاڑی ہوتےہیں جومیدان میں جیتنےکیلئے اترتے ہیں۔

انہوں نے کہا کہ پاکستان کی پوری ٹیم بھرپور پرفارمنس دے رہی ہے 5میچز ہوئے ہیں ہر میچ میں الگ مین آف ‏دی میچ تھا ٹیم کے ہر کھلاڑی کے پاس سپراسٹار بننےکا موقع ہے۔

پاک آسٹریلیا سیمی فائنل کے حوالے سے گورنرسندھ نے کہا کہ محمد رضوان اور بابراعظم کا بیٹ چلےگا شاہین ‏آفریدی سےبڑی امیدیں ہیں میچ ٹف ضرور ہے خواہش ہے قومی ٹیم کامیابی حاصل کرے۔

عمران اسماعیل نے کہا کہ آج کامیچ گورنر ہاؤس میں ہی دیکھوں گا دوستوں کو بلایا ہے سب مل کر میچ دیکھیں ‏گے، وزیراعظم عمران خان چھٹی میں کنجوس ہیں اپنےطور پر لوگ جاکرپاکستان کی نمائندگی کریں گے۔

کپتان قومی کرکٹ ٹیم بابر اعظم کے والد بھی قومی ٹیم کی کامیابی کیلئے دعاگو ہیں۔

والد محمد اعظم صدیق کا کہنا ہے کہ ٹی ٹوئنٹی ورلڈکپ کے سیمی فائنل میں آسٹریلیا کے خلاف قومی ٹیم آج ‏بھی کامیاب ہوگی۔ ‏

انہوں نے کہا کہ بابر اعظم اور پوری ٹیم کی کامیابی کے لیے دعا گو ہوں پوری ٹیم اس وقت اچھا پرفارم کررہی ہے ‏بابر اعظم ہی نہیں بلکہ پوری ٹیم کی کامیابی کے لیے دعاہے۔

Comments

یہ بھی پڑھیں