The news is by your side.

Advertisement

کیا چوہدری نثار پی ٹی آئی میں شامل ہورہے ہیں؟ فواد چوہدری کا اہم بیان

اسلام آباد: وفاقی وزیر برائے اطلاعات فواد چوہدری کا چوہدری نثار سے متعلق اہم بیان آگیا۔

اے آر وائی نیوز کے پروگرام ’آف دی ریکارڈ‘ میں گفتگو کرتے ہوئے وفاقی وزیر فواد چوہدری نے کہا کہ وزیر اعظم عمران خان سے چوہدری نثار کی ملاقات چند ماہ قبل ہوئی تھی۔

اینکر نے پوچھا کہ چوہدری نثار تحریک انصاف میں شامل ہورہے ہیں آپ کے پاس ایسی کوئی خبر ہے؟

فواد چوہدری نے کہا کہ ہم نے چوہدری نثار کو الیکشن سے پہلے بھی شمولیت کا کہا تھا لیکن ہمیں ان کی شمولیت سے قبل غلام سرور خان کی رائے لینا ہوگی۔

انہوں نے کہا کہ غلام سرور خان ہمارے ساتھ سیسہ پلائی دیوار کی طرح کھڑے ہیں، ہم ان کے علم میں لائے بغیر کوئی فیصلہ نہیں کریں گے۔

فواد چوہدری نے کہا کہ اگر چوہدری نثار پی ٹی آئی میں آجاتے ہیں تو ہمیں فائدہ ہوگا۔

وفاقی وزیر نے کہا کہ وزیراعلیٰ پنجاب عثمان بزدار کے معاملے پر بھی 27، 28 مارچ کے بعد بات ہوگی، عثمان بزدار پر بھی کافی چیزیں آگے بڑھی ہیں، ہماری اس وقت توجہ 27 مارچ کے جلسے پر ہے۔

انہوں نے کہا کہ 12 ارکان میڈیا پر آئے تھے جن میں سے چھ سے سات ارکان واپس آگئے ہیں، مجھے لگتا ہے کہ دو یا تین ارکان رہ جائیں گے باقی سب واپس آجائیں گے۔

فواد چوہدری نے کہا کہ اتحادی اعلان کردیں گے تو ایک دو لوگ رہ جائیں گے باقی واپس آجائیں گے، اتحادیوں کے فیصلے سے بہت سی چیزیں سامنے آنا شروع ہوجائیں گی، اپوزیشن اگر عدم اعتماد میں ہار جائے گی تو ان کی سیاست ختم ہوجائے گی۔

ان کا کہنا تھا کہ اسپیکرنے فیصلہ کرنا ہے منحرف ارکان کے ووٹ کی حیثیت کیا ہے، آئین میں جہاں مدت نہیں وہاں نااہلی تاحیات ہے۔

Comments

یہ بھی پڑھیں