پاکستان تحریک انصاف کے رہنما اور سابق وفاقی وزیر فواد چوہدری نے پاکستان کی ایٹمی قوت بننے کی 24 ویں سالگرہ پر ٹوئٹ کیا ہے۔
سماجی رابطوں کی ویب سائٹ ٹوئٹر پر اپنے ٹوئٹ میں پی ٹی آئی رہنما اور سابق وفاقی وزیر فواد چوہدری نے لکھا ہے کہ ایٹمی طاقت کا حامل ہونا بہت بڑا اعزاز ہے لیکن اکیلی ایٹمی طاقت مضبوط ریاست کی ضامن نہیں۔
پی ٹی آئی رہنما نے ٹوئٹ میں مزید کہا ہے کہ مضبوط ریاست جمہوریت، انصاف اور بنیادی انسانی حقوق کے ستونوں پر کھڑی ہوتی ہے۔
انہوں نے لکھا کہ انصاف پر مبنی معاشی نظام، لوگوں کی نظام کی اونر شپ یہ وہ اجزا ہیں جو مضبوط اور طاقتور ریاست کی تشکیل کرتے ہیں۔
ایٹمی طاقت کا حامل ہونا بہت بڑا اعزاز ہے، لیکن اکیلی ایٹمی طاقت مضبوط ریاست کی ضامن نہیں ریاست جمہوریت، انصاف اور بنیادی انسانی حقوق کے ستونوں پر کھڑی ہوتی ہے انصاف پر مبنی معاشی نظام اور لوگوں کی نظام کی اونرشپ یہ وہ اجزاء ہیں جو مضبوط، طاقتور اور موثر ریاست کی تشکیل کرتے ہیں
— Ch Fawad Hussain (@fawadchaudhry) May 28, 2022
وزیراعظم شہباز شریف نے بھی پاکستان کے جوہری دھماکوں کی سالگرہ پر قوم کو مبارکباد دیتے ہوئے ذوالفقار علی بھٹو ، نواز شریف اور ڈاکٹر عبدالقدیر خان کو خراج عقیدت پیش کیا ہے۔
مزید پڑھیں: وزیراعظم شہباز شریف کی پاکستان کے جوہری دھماکوں کی سلور جوبلی پر قوم کو مبارکباد
شہباز شریف کا کہنا تھا کہ یہ آزادی، خودمختاری، دفاع پر سمجھوتہ نہ کرنے کے اظہاردن ہے، پروگرام کےمعمارذوالفقار علی بھٹو کو خراج عقیدت پیش اور عظیم محب وطن نوازشریف کو خراج تحسین پیش کرتے ہیں، نوازشریف نے پاکستان کو اسلامی دنیا کی پہلی ایٹمی قوت بنایا۔