پاکستان تحریک انصاف کے رہنما فواد چوہدری کا کہنا ہے کہ اسمبلیاں اسٹیٹس کو کی علامت بن گئی ہیں جو عوام کی نمائندگی نہیں کر رہیں۔
پی ٹی آئی رہنما اور سابق وفاقی وزیر فواد چوہدری نے سماجی رابطوں کی ویب سائٹ ٹوئٹر پر اپنے بیان میں موجودہ اسمبلیوں کے کردار پر کڑی تنقید کی ہے۔
فواد چوہدری نے اپنے ٹوئٹ میں کہا کہ موجودہ اسمبلیاں اسٹیٹس کو کی علامت بن گئی ہیں، یہ اسمبلیاں عوام کی نمائندگی نہیں کر رہی ہیں، عوام حقیقی آزادی مارچ کے لیے باہر نکلیں۔
پی ٹی آئی رہنما کا کہنا تھا کہ موجودہ نظام میں شامل ہونا اس نظام کو تحفظ دینا ہے، یہ ان کے بنائے گئے بتوں کو توڑنے کا وقت ہے۔
فواد چوہدری نے عوام کو مخاطب کرتے ہوئے مزید کہا کہ ان بتوں کو توڑنے کیلیے عمران خان کی آواز پر لبیک کہو اور مارچ کی تیاری کرو۔
اسمبلیاں اس وقت عوام کی نمائندگی نہیں کر رہیں عوام #حقیقی_آزادی_مارچ کیلئے باہر نکلیں، ان بنائے گئے بتوں کو توڑنے کا وقت ہے اسمبلیاں Status Quo کی علامت ہیں نظام میں شامل ہونا اس نظام کو تحفظ دینا ہے ان بتوں کو توڑنے کیلئے عمران خان کی آواز پر لبیک کہو اور مارچ کی تیاری کرو
— Ch Fawad Hussain (@fawadchaudhry) October 6, 2022