The news is by your side.

یہ حکومت تاریخ کی سب سے احمق ٹیم پر مشتمل ہے، فواد چوہدری

پاکستان تحریک انصاف کے رہنما اور سابق وفاقی وزیر فواد چوہدری نے کہا ہے کہ موجودہ حکومت تاریخ کی سب سے احمق ٹیم پر مشتمل ہے۔

پی ٹی آئی رہنما فواد چوہدری نے سماجی رابطوں کی ویب سائٹ ٹوئٹر پر اپنے ٹوئٹ میں کہا کہ اس حکومت کے سابق وزیر خزانہ مفتاح اسماعیل اور موجودہ وزیر خزانہ اسحاق ڈار ایک دوسرے کے متضاد اور غیر ذمے دارانہ بیانات دے رہے ہیں، ان بیانات نے آئی ایم ایف پروگرام پر مزید پیچیدگیاں پیدا کردی ہیں۔

سابق وفاقی وزیر نے کہا کہ موجودہ حکومت تاریخ کی سب سے احمق ٹیم پر مشتمل ہے جس کی آدھی کابینہ کے پاس محکمے ہی نہیں اور جن کے پاس محکمے ہیں ان کو اپنے کام کی اے بی سی تک کا پتہ نہیں ہے، آئی ٹی منسٹری سے ایک ڈیش بورڈ تک نہیں بن سکا۔

فواد چوہدری نے مزید کہا کہ معاشی ٹیم مکمل کنفیوژڈ ہے، ان کی سیاست دفن ہو چکی ہے، یہ صرف کمال مہارت سے اپنی ہر چوری اور ڈکیتی کا کیس کنارے لگا رہے ہیں، دھڑا دھڑ کیسز سے بریت ہو رہی ہے۔

 

Comments

یہ بھی پڑھیں