پاکستان تحریک انصاف کے مرکزی رہنما اور سابق وفاقی وزیر فواد چوہدری نے کہا ہے کہ کارکنان آخری مرحلے کی تیاری کریں، انتخاب یا انقلاب۔
پاکستان تحریک انصاف کے مرکزی رہنما اور سابق وفاقی وزیر فواد چوہدری نے پی ٹی آئی کے 13 اگست کے پاور شو کے حوالے سے سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
فواد چوہدری نے اپنے ٹوئٹ میں لکھا ہے کہ امپورٹڈ حکومت انتخابات سے بھاگ رہی ہے لیکن عوام بھاگنے نہیں دے گی۔ 13 اگست کو پورا پاکستان عمران خان کے ہمقدم پریڈ گراؤنڈ اسلام آباد میں اکٹھا ہوگا۔
پی ٹی آئی رہنما کا مزید کہنا تھا کہ کارکنان اپنے قائدعمران خان کا آئندہ کا لائحہ عمل سنیں گے۔ اب انتخاب یا انقلاب، کارکنان آخری مرحلے کی تیاری کریں۔
امپورٹڈ حکومت انتخابات سے بھاگ رہی ہے، لیکن عوام بھاگنے نہیں دے گی تیرہ اگست تمام پاکستان عمران خان کے ہمقدم پریڈ گراؤنڈ اسلام آباد میں اکٹھا ہو گا اور اپنے قائد عمران خان کا اآئندہ کا لائحہ عمل سنے گا کارکنان آخری مرحلے کی تیاری کریں انتخاب یا انقلاب #حقیقی_آزادی
— Ch Fawad Hussain (@fawadchaudhry) August 6, 2022
واضح رہے کہ پی ٹی آئی چیئرمین اور سابق وزیراعظم عمران خان کی زیر صدارت پی ٹی آئی کی سیاسی کمیٹی اجلاس میں 13 اگست کی شب اسلام آباد میں جلسہ کرنے اور جلسے میں ہی 14 اگست آزادی کا جشن منانے کا فیصلہ کیا گیا ہے۔
یہ بھی پڑھیں: پی ٹی آئی کا 13 اگست کی شب اسلام آباد میں جلسہ اور آزادی کا جشن منانے کا فیصلہ
ذرائع نے بتایا کہ پی ٹی آئی کے اس میگا پاور شو کیلیے ایک لاکھ افراد کو جلسے میں لانے کا ٹاسک دیا گیا ہے اور اس سلسلے میں چیئرمین پی ٹی آئی عمران خان نے پارٹی قیادت کو ذمے داریاں بھی سونپ دی ہیں۔