The news is by your side.

Advertisement

فواد چوہدری کی وفاقی وزرا کے خلاف کرپشن کی تحقیقات کی تردید

اسلام آباد: وفاقی وزیر اطلاعات فواد چوہدری نے تین وفاقی وزرا کے خلاف کرپشن کی تحقیقات کی تردید کر دی.

تفصیلات کے مطابق وفاقی وزیر اطلاعات نے اپنے ٹویٹ میں‌ واضح کیا کہ اس نوع کی خبروں میں کوئی حقیقت نہیں.

وزیراعظم نے بھی ایسی کسی تحقیقات کا حکم نہیں دیا

فواد چوہدری

فواد چوہدری کا کہنا تھا کہ کسی وفاقی وزیرکے خلاف کرپشن کی تحقیقات نہیں ہو رہیں، وزیراعظم نے بھی ایسی کسی تحقیقات کا حکم نہیں دیا.

وفاقی وزیر اطلاعات نے کہا کہ وزیراعظم نے کرپشن نہ کرنے پر زور دیا ہے، کرپشن کسی صورت قبول نہیں، البتہ تحقیقات کی زیرگردش خبریں من گھڑت اور بے بنیاد ہیں.

فوادچوہدری نے مزید کہا کہ بغیر تحقیق کے ایسی ہیڈلائنز لگانا غیراخلاقی فعل اور قابل مذمت ہے.

واضح رہے کہ گذشتہ روز یہ خبر سامنے آئی تھی کہ وزیراعظم نے کابینہ اجلاس سے تمام سرکاری افسروں کو  نکالنے کے بعد کابینہ کے سامنے تین وزرا کے کرپشن میں ملوث ہونے کا انکشاف کیا تھا۔

البتہ وفاقی وزیر اطلاعات نے ان خبروں‌ کی تردید کرتے ہوئے واضح کیا کہ وزیراعظم نے درحقیقت کرپشن کے خلاف بات کی تھی.

Comments

comments

یہ بھی پڑھیں