لاہور : ترجمان وزیراعلیٰ پنجاب فیاض الحسن چوہان نے کہا ہے کہ ن لیگ مخالفین کو راستے سے ہٹانے میں ماہر ہے، پاکستانی عدالتیں ان الزامات کی تحقیقات کریں۔
ن لیگ کے رہنما تسنیم حیدر شاہ کے حالیہ بیان پر تبصرہ کرتے ہوئے ان کا کہنا تھا کہ مخالفین کو رستے سے ہٹانا ن لیگ کا وطیرہ رہا ہے۔
سانحہ ماڈل ٹاؤن، عابد علی باکسر اور عابد شیرعلی جیسے لوگ اسی بات کی حقیقت ہیں کہ عمران خان پر قاتلانہ حملے اور ارشد شریف کے قتل کا منصوبہ لندن میں بنا۔
فیاض چوہان نے کہا کہ تسنیم حیدر نوازشریف کے انتہائی قریبی کے طور پرجانا اور پہچانا جاتا ہے، لندن میں بیٹھ کر کوئی بھی کسی پر غلط الزام نہیں لگاتا۔
انہوں نے کہا کہ لندن کی عدالتیں اور قانون ان الزامات کی ہر لحاظ سے تحقیقات کرسکتے ہیں، سوچ سمجھ کر ساری چیزوں کو مدنظر رکھ کر تسنیم حیدر نے انکشاف کیا ہے۔
حکومت پنجاب کے ترجمان فیاض الحسن چوہان کا مزید کہنا تھا کہ پاکستان کی عدالتیں تسنیم حیدر کو عمران خان حملے اور ارشد شریف قتل کیس میں شامل تفتیش کریں۔
