راولپنڈی : پی ٹی آئی کے برطرف رہنما فیاض الحسن نے کہا ہے کہ پارٹی تباہ کرنےمیں شیخ رشید کابڑاہاتھ ہے، یہ بات انہوں نے قرآن پر ہاتھ رکھ کر خود پر لگائے جانے والے الزامات کی تردید کرتے ہوئے کہی ۔
تفصیلات کے مطابق کپتان کےفیصلےسےدل برداشتہ پی ٹی آئی کے برطرف کارکن فیاض الحسن نےقرآن پرحلفیہ بیان کی ویڈیوجاری کردی۔
پی ٹی آئی کے سابق رہنما فیاض الحسن چوہان نے اپنے ایک ویڈیو بیان میں کہا ہے کہ میں نے کسی امیدوار کو کوئی ٹکٹ فروخت نہیں کیا۔
فیاض الحسن نے شیخ رشید پرسنگین الزامات لگاتےہوئےانکشاف کیا کہ شیخ رشید پارٹی کو تباہ کررہے ہیں، انہوں نے قرآن پر اپنی سچائی بیان کرتے ہوئے کہا کہ اگرٹکٹوں کی تقسیم کےمعاملےپرایک روپیہ بھی لیاہوتومیری دونوں بیویوں کوطلاق ہوجائے۔
واضح رہے کہ عمران خان نےبلدیاتی انتخابات میں من پسند افرادکوٹکٹ دینےکی شکایات پرفیاض الحسن چوہان کوبرطرف کردیاتھا۔
