The news is by your side.

Advertisement

بیگم صفدر نے کرپشن بولے بھائی کے لیے منی لانڈرنگ کی ہانڈی تیار کی، فیاض الحسن چوہان

لاہور: تحریک انصاف کے رکن پنجاب اسمبلی فیاض الحسن چوہان نے کہا ہے کہ بیگم صفدر نے کرپشن بولے بھائی کو دعوت پر بلا کر کھانے کا انتظام کیا۔

تفصیلات کے مطابق مریم صفدر کی جانب سے بلاول زرداری کو ظہرانے پر مدعو کرنے اور جاتی امرا میں ہونے والی ملاقات پر فیاض الحسن چوہان نے ردعمل دیا۔

اُن کا کہنا تھا کہ بیگم صفدرنے کرپشن بولے  بھائی کودعوت پر بلایا، بہن نےکرپشن بولے بھائی کےلیے کھانوں کا انتظام کیا جس چکن کک بیک مصالحہ اورمنی لانڈرنگ ہانڈی مینوکاحصہ ہیں۔ فیاض الحسن چوہان کا کہنا تھا کہ ملائی کمیشن بوٹی اوراقرباپروری کے مصالحے کی بنی ہوئی کڑاہی بھی کرپشن بولے بھائی کو پیش کی گئی جبکہ میٹھا فرنٹ مین گجریلا فرنٹ مین مشتاق چینی سےتیار کیا گیا۔

یاد رہے کہ مریم نواز کی دعوت پر بلاول بھٹو زرداری پی پی وفد کے ہمراہ جاتی امرا پہنچے، دونوں رہنماؤں کی ملاقات میں مختلف امور پر تبادلۂ خیال کیا گیا، دونوں رہنماؤں کی ملاقات میں حکومت کے خلاف ممکنہ تحریک، عدلیہ بچاؤ تحریک، نیب میں درج ہونے والے مقدمات پر بات چیت ہوئی۔

مزید پڑھیں: سلطنتِ شریفیہ کی سزا یافتہ شہزادی سطلنتِ زرداریہ کے ولی عہد سے ملاقات کررہی ہیں، فردوس عاشق اعوان

ذرائع کے مطابق مریم اور بلاول نے نیب کی جانب سےگرفتاریوں اور بجٹ پر تبادلہ خیال کیا جبکہ آل پارٹیز کانفرنس میں دونوں جماعتوں نے ایک ہی بیانیہ پیش کرنے پر بھی غور کیا۔

دورانِ ملاقات مسلم لیگ ن کے وفد میں رانا ثنا اللہ، مریم اورنگزیب، ایاز صادق اور سابق گورنر سندھ محمد زبیر شامل تھے جبکہ پیپلزپارٹی کی جانب سے سینیٹر مصطفیٰ نواز کھوکھر، حسن مرتضیٰ، قمر زمان کائرہ اور چوہدری منظور موجود تھے۔

Comments

comments

یہ بھی پڑھیں