لاہور: پاکستان استحکام پارتی کے رہنما فیاض الحسن چوہان کا کہنا ہے کہ گزشتہ حکومت نے آئی ایم ایف معاہدے کی خلاف ورزی کی ، جو ایک منظم سازش تھی اور ،پھر دلوالیہ کا پروپیگنڈا کیا گیا۔
تفصیلات کے مطابق پاکستان استحکام پارٹی کے رہنما فیاض الحسن چوہان نے سعودی عرب کی جانب سے اسٹیٹ بینک میں2 ارب ڈالرز کے ڈیپازٹ کو خوش آئند قرار دیتے ہوئے کہا کہ سعودی عرب کے اس اقدام سے پاکستان کی معیشت کو بھرپور سہارا ملے گا۔
فیاض الحسن چوہان نے تنقید کرتے ہوئے کہا کہ بدقسمتی سے پچھلے ڈیڑھ سال سے پاکستان میں نفرت اور فسادکی سیاست کی گئی۔
پاکستان استحکام پارٹی کے رہنما کا کہنا تھا کہ گزشتہ حکومت نے آئی ایم ایف معاہدے کی خلاف ورزی کی ،جو ایک منظم سازش تھی، پھر دلوالیہ کا پروپیگنڈا کیا گیا۔ ملک میں ہرہفتے ماردھاڑ اور اداروں کے خلاف پروپیگنڈا کیا گیا۔
انھوں نے کہا کہ ملک میں ہرہفتے ماردھاڑ اور اداروں کے خلاف پروپیگنڈا کیا گیا لیکن آرمی چیف کی بھر پور کوشش سے پاکستان کی معیشت کو سہارا ملا ہے۔
