لاہور: ترجمان پنجاب حکومت فیاض الحسن چوہان کا کہنا ہے کہ حکومتی و اپوزیشن اراکین کرکٹ ٹاکرے کے افتتاحی میچ کو پاکستان میں کرکٹ کی بحالی کے نام کیا جائے گا۔
تفصیلات کے مطابق ترجمان پنجاب حکومت فیاض الحسن چوہان نے ن لیگ کے رہنما رانا مشہود سے ٹیلیفونک رابطہ کیا، نو نومبر کو گورنرہاؤس میں حکومتی و اپوزیشن اراکین کرکٹ ٹاکرا سے متعلق گفتگو ہوئی۔
فیاض الحسن چوہان نے کہا کہ ٹورنامنٹ کا افتتاحی میچ پاکستان میں کرکٹ کی بحالی کے نام کیا جائے گا، نیوزی لینڈ ٹیم کی واپسی کے باعث ٹورنامنٹ کی اہمیت بہت زیادہ ہے۔
تمام اراکین اسمبلی سیاسی اختلافات سے بالاتر ہوکر یکجہتی کامظاہرہ کرین گے ، خواہش ہے افتتاحی میچ میں اپوزیشن لیڈرحمزہ شہباز مہمان خصوصی ہوں۔
رانا مشہوراحمد کی جانب سے فیاض الحسن چوہان کی گزارشات کا خیرمقدم کیا گیا، جس پر ترجمان پنجاب حکومت نے کہا کہ کھیل کےذریعے دنیا کو بتا دیں گے، اس پرچم کےسائے تلے ہم ایک ہیں۔
