The news is by your side.

Advertisement

شہبازشریف کے خلاف 6 وعدہ معاف گواہ موجود ہیں، فیاض الحسن چوہان

کراچی : وزیر اطلاعات پنجاب فیاض الحسن چوہان کا کہنا ہے کہ دس برس میں ن لیگ نے پنجاب میں جی بھر کر کرپشن کی ، شہبازشریف کےخلاف چھ وعدہ معاف گواہ موجود ہیں، جنہوں نے تحقیقاتی اداروں کےسامنےکہاکہ اربوں کی کرپشن کروائی۔

تفصیلات کے مطابق وزیر اطلاعات پنجاب فیاض الحسن چوہان نے اے آر وائی نیوز کے پروگرام باخبر سویرا میں گفتگو کرتے ہوئے کہا اتناجھوٹ بولوسچ کاگمان ہونےلگےیہ شہبازشریف کی سیاست ہے، 10سال ن لیگ نے پنجاب میں جی بھر کر کرپشن کی اور 1200ارب کا پنجاب کو مقروض کردیا گیا۔

فیاض الحسن چوہان کا کہنا تھا کہ شہبازشریف کیخلاف6سے7وعدہ معاف گواہ موجود ہیں، جنہوں نے تحقیقاتی اداروں کےسامنےکہاکہ اربوں کی کرپشن کروائی، برطانوی صحافی روزپوچھتاہےکب شہبازشریف نوٹس بھیجیں گے۔

وزیر اطلاعات پنجاب کا مزید کہنا تھا کہ خواجہ برادران آشیانہ ہاؤسنگ کیس میں گرفتارہیں۔

گذشتہ روز فیاض الحسن چوہان نے کہا تھا کہ شہبازشریف بےگناہی کےبڑےدعوےکررہےہیں جبکہ فرنٹ مین اربوں کی کرپشن کااعتراف کرچکے، 56کمپنیوں کےذریعےلوٹ مارکرکےصوبہ خسارےمیں دیا۔

ان کاکہنا تھا کہ شہبازشریف نےماڈل ٹاؤن میں قتل کابازارگرم کیا، آج یہ کس منہ سےاپنی بےگناہی کی بات کررہےہیں؟ پیٹ میں مروڑکرپشن کی گاجریں کھانے سے اٹھ رہاہے، نیب کاڈاکٹرہی اب ان مروڑوں کاعلاج کرے گا۔

وزیر اطلاعات پنجاب نے کہا تھا کہ شہبازشریف کےاثاثےپراسیکیوشن کےبعدمنجمد ہوئے ، وہ عوام کوبےوقوف بناناچھوڑدیں۔

Comments

یہ بھی پڑھیں