The news is by your side.

Advertisement

فیاض الحسن چوہان نے بہ طور صوبائی وزیر حلف اٹھا لیا

لاہور: پی ٹی آئی کے رکن اسمبلی، پنجاب فیاض الحسن چوہان نے بطورصوبائی وزیر حلف اٹھا لیا.

تفصیلات کے مطابق قائم مقام گورنر پنجاب چوہدری پرویزالہٰی نے فیاض‌الحسن چوہان سے حلف لیا.

وزیراعلیٰ پنجاب سردار عثمان بزدارسمیت اعلیٰ عہدے دار اس تقریب میں شریک تھے. فیاض الحسن چوہان کومحکمہ جنگلات کا قلم دان ملنے کا امکان ہے.

خیال رہے کہ پنجاب میں‌ پی ٹی آئی کی حکومت قائم ہونے کے بعد فیاض الحسن چوہان کو اطلاعات کی وزارت سونپی گئی تھی.

البتہ ان کے ایک متنازع بیان کی وجہ سے ان سے یہ عہدہ لے کر صمصام بخاری کو سونپ دیا گیا.

ایک عرصے سے انھیں‌دوبارہ وزیر بنانے کی خبریں گرد ش کر رہی تھیں، بالآخر آج انھوں نے بہ طور صوبائی وزیر حلف اٹھایا.

مزید پڑھیں: مریم صفدر رو رہی ہیں، نواز شریف جیل میں آلو گوشت، کریلے گوشت کھارہے ہیں، فیاض الحسن

بعد ازاں فیاض الحسن نے ایک ٹویٹ کیا، جس میں انھوں نے وزارت ملنے پر اللہ کا شکر ادا کیا.

فیاض الحسن چوہان نے کہا کہ میں انشااللہ اپنے قائد کی امید پر پورا اترنے کی بھرپور کوشش کروں گا.

انھوں نے اپنے ٹویٹ میں کہا کہ وزارت کے لیے اپنے قائد عمران خان، بڑے بھائی نعیم الحق اور زلفی بخاری کا شکر گزار ہوں.

Comments

comments

یہ بھی پڑھیں