ن لیگ والےاحتجاج کرناسیکھنےکےلیےپی ٹی آئی کارکن سےرابطہ کریں،فیاض الحسن چوہان
The news is by your side.

Advertisement

ن لیگ والےاحتجاج کرناسیکھنےکےلیےپی ٹی آئی کارکن سےرابطہ کریں،فیاض الحسن چوہان

لاہور : وزیر اطلاعات پنجاب فیاض الحسن چوہان کا کہنا ہے کہ چالیس سال کی لوٹ مار کو پکڑنے میں وقت لگے گا، ن لیگ والےاحتجاج کرنا سیکھنے کےلیےپی ٹی آئی کارکنان سے رابطہ کریں۔

تفصلات کے مطابق وزیر اطلاعات پنجاب فیاض الحسن چوہان نے میڈیا سے گفتگو کرتے ہوئے کہا شریف برادران کوٹھیک سےاپوزیشن کرنی بھی نہیں آتی، اپوزیشن کرنے کے لیے جرات چاہیے ہوتی ہے۔

فیاض الحسن چوہان کا کہنا تھا کہ ہم نےسردی گرمی کےپرواہ کیےبغیراحتجاج کیا، ان میں اپوزیشن والاجوش وجذبہ پیدانہیں ہوسکتا، ن لیگ والے احتجاج کرنا سیکھنے کے لیے پی ٹی آئی کارکنان سے رابطہ کریں، ایڈوائزری کمیٹی میں آئیں، جو بھی چیزیں ہیں ان پر بات کریں۔

وزیر اطلاعات پنجاب نے کہا کہ مشورہ دیتا ہوں خدارا بزنس ایڈوائزری کمیٹی کیساتھ بیٹھیں، حمزہ شہبازآئیں اورپنجاب اسمبلی کااجلاس چلنےدیں، آئین اورقانون کے مطابق پرویز الٰہی اسپیکر پنجاب اسمبلی ہیں، اپوزیشن اسپیکر پنجاب اسمبلی کا آئینی احترام کرنے کی پابند ہے۔

ان کا کہنا تھا کہ فضل الرحمان کوخصوصی ملاقاتیں کرنے پر خراج تحسین پیش کرتا ہوں، فضل الرحمان کہتےہیں حکومت کیخلاف اتحادجمہوری ہے، مولانا فضل الرحمن 73 کے آئین کے تناظر میں 74 قسم کی کرپشن اور 75 قسم کی اقربا پروری کرتے ہیں،

فیاض الحسن چوہان نے کہا سیاست کا حسن یہ ہے کہ جیسےہی قانون کاشکنجہ آنےلگتاہےتوسیاسی لٹیرے متحد ہوجاتےہیں، قومی خزانہ لوٹنے والوں سے  پیسہ واپس لینا ہے، گزشتہ40خصوصاً10میں جوپیسہ لوٹا گیا ہے، اس کی تحقیقات ہوں گی۔

وزیر اطلاعات پنجاب کا کہنا تھا کہ چالیس سال کی لوٹ مار کو پکڑنے میں وقت لگے گا لوٹا ہوا پیسہ واپس لانے کے لئے مکمل تعاون کریں گے، عمران خان چاہتےہیں مشکل دورگزرےاورعوام کوسکون ملے، عوام کوریلیف ملےضرور ملےگا

انھوں نے مزید کہا کہ 36ارب ڈالرکاقرضہ5سالوں کےدوران لیاگیاوہ کہاں گیا، اتنےقرضے لیے گئے کیا کوئی ادارہ ٹھیک ہوا، وزیراعظم عمران خان معیشت کی بہتری کیلئے دوست ممالک کےدورے پر گئے ہیں۔

Comments

comments

یہ بھی پڑھیں