The news is by your side.

Advertisement

پنجاب کا کسان آج جتنا خوش ہے پہلے کبھی نہ تھا، فیاض الحسن چوہان

لاہور: وزیر اطلاعات پنجاب فیاض الحسن چوہان کا کہنا ہے کہ پنجاب کا کسان آج جتناخوش ہے پہلے کبھی نہ تھا۔

تفصیلات کے مطابق صوبائی وزیر اطلاعات فیاض الحسن چوہان نے کہا کہ پنجاب میں309 ارب روپے سے زرعی ایمرجنسی کا نفاذ کیا،پہلی مرتبہ گنے کا ریٹ 230 پلس اور ادائیگی یقینی بنائی گئی۔

انہوں نے کہا کہ زرعی ایمرجنسی کے تحت 35 ہزار کلومیٹر کے نالے پکے کیے، ڈیڑھ سال میں 300 چھوٹے ڈیمز بنانے کا آغاز ہوچکا ہے۔ فیاض الحسن چوہان کا کہنا تھا کہ پنجاب کا کسان آج جتناخوش ہے پہلے کبھی نہ تھا۔

صوبائی وزیر اطلاعات نے کہا کہ کاشت کاروں کو جدید مشینری پر 50 فیصدسبسڈی دی گئی،پنجاب میں کاشت کاروں کے لیے فی ایکڑ قرضوں کودگنا کر دیاگیا،گنے کے کاشت کاروں کو اربوں کے بقایا جات ادا کرائےگئے۔

یاد رہے کہ یکم اپریل کو پنجاب حکومت کی جانب سے عالمی وبا کرونا وائرس کے پیش نظر جاری لاک ڈاؤن میں کسانوں کو سہولت دینے کا فیصلہ کیا گیا تھا۔

پنجاب حکومت کی جانب سے جاری مراسلے میں کہا گیا تھا کہ لاک ڈاؤن میں گندم کی کٹائی کے لیے مشینری لانے اور لے جانے کی سہولت دی جائے گی۔

fb-share-icon0
Tweet 20

Comments

comments

یہ بھی پڑھیں