The news is by your side.

Advertisement

جج کے بیان حلفی کے بعد ثابت ہوگیا کہ شریف خاندان معصوم نہیں: فیاض الحسن چوہان

لاہور: پی ٹی آئی کے رہنما فیاض الحسن چوہان نے کہا ہے کہ جج ارشد ملک کے حلفیہ بیان کے بعد واضح تبدیلی آئی ہے، پتا چل گیا کہ شریف خاندان معصوم نہیں.

ان خیالات کا اظہار انھوں نے میڈیا سے گفتگو سے کرتے ہوئے کیا. فیاض چوہان نے کہا کہ جعلی ویڈیو پیش کرنے کے بعد اندازہ لگا لیں کہ یہ لوگ کیسے ہیں. ثابت ہوگیا ہے کہ یہ انڈر ورلڈ مافیا ہے، دونوں بھائیوں نے مدینہ میں بھی جج کو خریدنے کی کوشش کی.

صوبائی وزیر پنجاب نے کہا کہ بیگم صفدر نے کس طرح سے عوام کواندھا کرنے کی کوشش کی، عدلیہ، نیب سے مطالبہ کرتا ہوں کہ ان کی ضمانت رد کی جائے.

مزید پڑھیں: بیگم صفدر نے کرپشن بولے بھائی کے لیے منی لانڈرنگ کی ہانڈی تیار کی، فیاض الحسن چوہان

10 ماہ میں صرف ایک ہی بات کرتے ہیں کہ ابا کا دل خراب ہے، یہ لوگ جھوٹ، فراڈ اور فریب بار بار کر رہے ہیں، ہر شخص سوچنے پرمجبورہے کہ یہ لوگ اتنا گر سکتے ہیں.

ان کا کہنا تھا کہ مافیا نے جج کو بلیک میل کرنے کے لیے بلو دی بیلٹ ویڈیو بنوائی، بیگم صفدر کا اس سے ان کی ذہنیت کا پتا نہیں چلتا، جج نے پہلے یہ بات کیوں نہیں بتائی، یہ بات وہ خود ہی بتا سکتے ہیں.

Comments

یہ بھی پڑھیں