The news is by your side.

Advertisement

نواز شریف پرعوام کا اربوں، کھربوں روپیہ واجب الادا ہے، فیاض الحسن چوہان

لاہور: صوبائی وزیر فیاض الحسن چوہان نے کہا کہ دعا ہے نواز شریف جلد لندن سے صحت یاب ہو کر لوٹیں، نواز شریف پرعوام کا اربوں، کھربوں روپیہ واجب الادا ہے۔

تفصیلات کے مطابق صوبائی وزیر فیاض الحسن چوہان کا کہنا ہے کہ عوام پر فاقے، ناکے، ڈاکے، دھماکے ہی مسلط کیے گئے، نواز شریف پرعوام کا اربوں، کھربوں روپیہ واجب الادا ہے۔

فیاض الحسن چوہان نے کہا کہ دعا ہے نواز شریف جلد لندن سے صحتیاب ہو کر لوٹیں۔ انہوں نے درخواست کی کہ نواز شریف کو نان خطائیوں اور قیمے کے نان سے دور رکھیں۔

صوبائی وزیر نے کہا کہ بلاول بھٹو نے طنز کیا کہ عمران خان 70 سال کے نوجوان ہیں، عمران خان پاکستان کے ہیرو اور بلاول حادثاتی چیئرمین ہیں، بلاول بھٹو گریبان میں جھانکیں، رومن اردو کے سہارے چل رہے ہیں۔

نواز شریف علاج کے لئے لندن روانہ

واضح رہے کہ سابق وزیراعظم نوازشریف قطر ایئرویز کی ایئر ایمبولینس میں سوار ہو کر لاہور ایئرپورٹ کے حج ٹرمینل سے شہبازشریف اور ڈاکٹر عدنان کے ہمراہ لندن روانہ ہوگئے۔ ایئرایمبولینس لندن کے وقت کے مطابق ساڑھے 6 بجے ہیتھرو ایئرپورٹ پہنچے گی۔

لندن روانگی سے قبل ایئرایمبولینس کے ڈاکٹرز نے نوازشریف کے تمام ضروری طبی ٹیسٹس کیے جس کے بعد پرواز کو اڑان بھرنے کی اجازت دی گئی۔

Comments

comments

یہ بھی پڑھیں