شوبز انڈسٹری کی معروف اداکارہ فضیلہ قاضی نے آئیڈیل جوڑے کی خصوصیات بتا دیں۔

اے آر وائی ڈیجیٹل کے پروگرام میں اداکارہ فضیلہ قاضی اور قیصر نظامانی نے فیملی کے ہمراہ شرکت کی تھی جہاں انہوں نے اپنی مثال دیتے ہوئے آئیڈیل جوڑے کی خصوصیات بتادیں۔

اداکارہ نے کہا کہ ایک جیسے رنگ کے کپڑے پہننے والے اور ہاں میں ہاں ملانے والے آئیڈیل کپل نہیں ہوتے، آئیڈیل جوڑا وہ ہوتا ہے جب دو مختلف لوگ ایک دوسرے کے ساتھ رہنا شروع کرتے ہیں۔

فضیلہ قاضی نے کہا کہ آئیڈل جوڑا وہ ہوتا ہے جو ایک دوسرے کی عزت کرتے ایک دوسرے کی پسند نا پسند کو اپناتے ہیں، آئیڈیل جوڑا ایک دوسرے کو بدلنے کی کوشش نہیں کرتے اسے وہ ہی رہنے دیتے ہیں۔

اداکارہ نے اپنی مثال دیتے ہوئے بتایا کہ ’ میرے شوہر کو اس بات کا دکھ ہے کہ میں ان کے ہر بات پر ہاں میں ہاں نہیں ملاتی، میں نے اپنے شوہر کو بتایا کہ جو چیز مجھے سمجھ آئے گی اس میں ہاں بولوں گی اگر مجھے سمجھ نہیں آرہی تو میں نہ ہی بولوں گی‘۔

دوسری جانب قیصر نظامانی نے بتایا کہ ہماری شادی کو 30 سال ہوچکے ہیں، فضیلہ قاضی نے کہا کہ ہم میاں بیوی کے ساتھ ساتھ دوست بھی ہیں۔