امریکی ریاست فلوریڈا میں ایف بی آئی کی کارروائی کے دوران ملزم کی فائرنگ سے دو اہلکار ہلاک اور 5 زخمی ہوگئے۔
امریکی میڈیا کے مطابق وفاقی تحقیقاتی ادارے ایف بی آئی کی ٹیم نے عدالتی وارنٹ پر علی الصبح واٹر ٹیرس اپارٹمنٹ میں چھاپا مارا تو اس دوران ملزم نے فائرنگ کر دی۔
خطرناک ملزم اور اہلکاروں کے درمیان فائرنگ کا تبادلہ ہوا جس میں 2 اہلکار ہلاک اور 5 زخمی ہوگئے جب کہ حملہ آور بھی مارا گیا۔
ایف بی آئی نے بیان جاری کرتے ہوئے کہا ہے کہ جب ٹیم چھاپے کے لیے پہینچی تو اندر چھپے ملزم نے اندھا دھند فائرنگ شروع کر دی۔ ٹیم نے بچوں پر تشدد کے جرائم میں ایف بی آئی کو سرچ وارنٹ جاری کیے تھے۔
جائے وقوعہ پر پولیس اور سیکورٹی فورسز کو تعینات کر کے اطراف کے علاقے کو سیل کر دیا گیا ہے۔ لاشوں اور زخمیوں کو اسپتال منتقل کر دیا گیا ہے اور زخمیوں کی حالت بہتر بتائی جارہی ہے۔
