امریکا میں سکھ رہنما کے قتل کی سازش سامنے آنے کے بعد ایف بی آئی کے ڈائریکٹر بھارت پہنچ گئے ہیں۔
تفصلات کے مطابق امریکی شہری اور سکھ رہنما کے قتل کی سازش بھانڈا پھوٹا تھا جس میں بھارتی ایجنسیوں کے ملوث ہونے کے شواہد ملے تھے۔ اب معاملے کی پوچھ گوچھ کرنے ایف بی آئی ڈائریکٹر بھارت پہنچ گئے ہیں۔
ایف بی آئی ڈائریکٹر نے نئی دہلی میں سی بی آئی ڈائریکٹر کے ساتھ قتل کی سازش کے معاملات اٹھائے ہیں۔
غیرملکی خبرایجنسی کے مطابق ایف بی آئی سربراہ کرسٹوفر رے 3 دن بھارت میں رہ کر تحقیقات اور ملاقاتیں کریں گے۔ کسی بھی ایف بی آئی سربراہ کا یہ 12 سال بعد بھارت کا دورہ ہے۔
امریکی سیکیورٹی ادارے ایف بی آئی کے سربراہ سکھ رہنما کے قتل کی سازش کے حوالے سے بھارت کیخلاف تحقیقات کررہے ہیں۔
واضح رہے کہ امریکی عدالت سکھ رہنما کے قتل کی سازش میں بھارتی خفیہ ایجنسی کے اہلکار پر فرد جرم عائد کرچکی ہے۔
