تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ٹرمپ کے گھر پر ایف بی آئی کا چھاپا

فلوریڈا: ایف بی آئی نے سابق امریکی صدر ڈونلڈ ٹرمپ کے گھر پر چھاپا مار کر اہم دستاویزات ضبط کر لیں۔

امریکی میڈیا کے مطابق پیر کی شام کو سابق امریکی صدر ٹرمپ کے فلوریڈا میں رہائش گاہ پر ایف بی آئی نے نیشنل آرکائیو ریکارڈ کی تفتیش کے لیے چھاپا مارا۔

ایف بی آئی نے ٹرمپ کے گھر چھاپے کے دوران رہائش گاہ کے مختلف حصوں کی تلاشی لی اور اہم دستاویزات ضبط کر لیں، ٹرمپ کا کہنا ہے کہ اہل کاروں نے گھر کی ایک تجوری بھی توڑی۔

نشریات کی بندش: اے آر وائی کی لائیو ٹرانسمیشن یہاں دیکھیں

سابق صدر ٹرمپ کے حامی رات گئے رہائش گاہ کے باہر جھنڈے لیے موجود ہیں، امریکی میڈیا کا کہنا ہے کہ تلاشی مبینہ طور پر ڈونلڈ ٹرمپ کے سرکاری کاغذات کے استعمال سے متعلق تحقیقات سے منسلک ہے۔ ٹرمپ پر الزام ہے کہ وہ صدارت کے بعد غیر قانونی طور پر وائٹ ہاؤس کے خفیہ دستاویزات ڈبوں میں اپنے ساتھ رہائش گاہ مار-اے-لاگو لے گئے تھے۔

چھاپے کی اطلاع کے وقت ڈونلڈ ٹرمپ نیویارک شہر کے ٹرمپ ٹاور میں موجود تھے، ٹرمپ نے چھاپے کو غیر اعلانیہ چھاپا قرار دیا۔

خیال رہے کہ ڈونلڈ ٹرمپ کے خلاف قانون نافذ کرنے والے اداروں کی جانچ میں ڈرامائی طور پر اضافہ اس وقت ہوا جب وہ 2024 میں ممکنہ طور پر تیسری مرتبہ امریکی صدارتی انتخاب کی تیاری کر رہے ہیں۔

Comments

- Advertisement -