ایف بی آئی نے امریکی صدارتی امیدوار ڈونلڈ ٹرمپ کی گالف کلب سے واپسی کے وقت پیش آئے فائرنگ کے واقعے کو سابق صدر کے قتل کی کوشش قرار دیا ہے۔
بین الاقوامی خبر رساں ادارے کی رپورٹ کے مطابق پام بیچ کے قانون نافذ کرنے والے اہلکار نے بتایا کہ سابق صدر فائرنگ کرنے والے شخص سے 400 سے 500 گز کے فاصلے پر موجود تھے، حکام کو AK-47 قسم کا ہتھیار بھی ملا ہے۔
امریکی میڈیا کی رپورٹس کے مطابق سیکریٹ سروس نے حفاظتی اقدام کے طور پر فائرنگ کی۔
- Advertisement -
سابق صدر کا رد عمل دیتے ہوئے کہنا تھا کہ میں محفوظ اور بالکل ٹھیک ہوں، اس قسم کے واقعات میرے حوصلے پست نہیں کرسکتے، میں ہتھیار نہیں ڈالوں گا۔
ہمیں نقصان پہنچانے والے غزہ کو دیکھ لیں، نیتن یاہو کی دھمکی
واضح رہے کہ 2 ماہ قبل 13 جولائی کو بھی ریاست پنسلوانیا کی ریلی میں سابق امریکی صدر ڈونلڈ ٹرمپ پر قاتلانہ حملہ ہوا تھا، جس میں وہ بال بال بچ گئے تھے۔
