کراچی : فیڈرل بورڈ آف ریونیو (ایف بی آر ) نے 11 ارب روپے کا ٹیکس فراڈ پکڑلیا، الجنید امپیکس کے کیس میں فراڈ کا پتہ لگایا۔
تفصیلات کے مطابق کراچی میں ایف بی آر نے ٹیکس فراڈ کے خلاف بڑی کارروائی کرتے ہوئے ڈیجٹلائزیشن کے ذریعےگیارہ ارب روپے کا فراڈپکڑلیا۔
ایف بی آرڈائریکٹوریٹ آف انٹرنل آڈٹ ان لینڈریونیو نے کارروائی کی، حکام نے بتایا الجنید امپیکس کے کیس میں گیارہ ارب روپے کے فراڈ کا پتہ لگایا ہے۔
حکام نے مزید بتایا کہ محمدجنید نے قومی خزانے سے فراڈ کرنےکےلیے کمپنی بنائی تھی، جنید نے اجمل خان کے ساتھ مل کرفراڈکیا۔
حکام کا کہنا تھا کہ ٹریڈزون کے ذریعے آپریشن کیا، ٹیکس فراڈ کرنے کیلئے بینک اکاؤنٹ بھی کھلوایا گیا اور ملزمان نے طاقتورکاروباری گروپس اورخاندانوں کو فائدہ پہنچانے کیلئےکام کیا۔
حکام کے مطابق ملزمان کیخلاف کسٹمز اینڈ ٹیکسیشن کورٹ کراچی میں ایف آئی آردرج کرادی گئی ہے۔
