اسلام آباد : فیڈرل بورڈ آف ریونیو ( ایف بی آر) نے مالی سال 2025 کے 9 ماہ میں آل ٹائم ہائی 8500 ارب ٹیکس جمع کرلیا۔
تفصیلات کے مطابق فیڈرل بورڈ آف ریونیو ( ایف بی آر) نے ٹیکس وصولی میں بڑی کامیابی حاصل کرلی۔
فیڈرل بورڈ آف ریونیو نے مالی سال 2025 کے 9 ماہ میں آل ٹائم ہائی 8500 ارب ٹیکس جمع کرلیا۔
رواں مالی سال کے 9 ماہ میں سالانہ بنیادوں پر کلیکشن میں 26 فیصد اضافہ ہوا، 26 فیصد اضافے کے باوجود ہدف کے مقابلے میں 721 ارب کا شارٹ فال ہے۔
مارچ میں ایک ماہ میں ٹیکس وصولی 1100 ارب روپے رہی، مارچ میں ٹیکس وصولی میں ماہانہ 29 فیصد جبکہ سالانہ 25 فیصد اضافہ ریکارڈ کیا گیا۔
فیڈرل بورڈ آف ریونیو کا کہنا تھا کہ مارچ میں ٹیکس وصولی کا ہدف بارہ سوبیس ارب روپے تھا۔
