کراچی: فیڈرل بورڈ آف ریونیو ( ایف بی آر) نے غیر رجسٹرڈ ڈاکٹرز کو بھی ٹیکس نیٹ میں لانے کا فیصلہ کرلیا۔
ایف بی آر کی جانب سے پاکستان میڈیکل ڈینٹل کونسل کو مراسلہ ارسال کیا گیا جس میں لکھا گیاہ ے کہ 10 روز کے اندر تمام ڈاکٹرز کی تفصیلات فراہم کی جائیں۔
مراسلے میں کہا گیا ہے کہ پی ایم ڈی سی کے رکن ڈاکٹرز ریٹرن ٹیکس فائل کرنے کے پابند ہیں جبکہ بیشتر ڈاکٹر ریٹرن فائل نہیں کررہے۔
پی ایم ڈی سی کو حکم دیا گیا ہے کہ وہ اپنے تمام ممبران کی تفصیلات 10 روز کے اندر فراہم کرے تاکہ ایف بی آر غیر رجسٹرڈ ڈاکٹرزکو بھی ٹیکس نیٹ میں لانے کے لیے اقدامات شروع کرے۔
مزید پڑھیں: تمام صنعتی صارفین کوٹیکس نیٹ میں لائیں گے،چیئرمین ایف بی آر کا عزم
یہ بھی پڑھیں: شیر شاہ کباڑ مارکیٹ کے دکانداروں کو ٹیکس نیٹ میں لانے کا فیصلہ
یاد رہے حکومت ٹیکس وصولی کے اہداف حاصل کرنے کے لیے مختلف شعبوں کو ٹیکس نیٹ میں لارہی ہے، اس ضمن میں گزشتہ دنوں چیئرمین ایف بی آر نے کراچی کی سب سے بڑی کباڑ مارکیٹ شیرشاہ کا دورہ کر کے تاجروں کی تفصیلات جمع کی تھیں، علاوہ ازیں بیوٹی پارلرز کو بھی ٹیکس نیٹ میں لینے کا فیصلہ کیا گیا ہے۔
حکومت نے آئندہ مالی سال کے بجٹ میں ٹیکس وصولیوں کا ہدف 550 ارب مختص کیا ہے۔
0
20
