ایف بی آر 8 ماہ کے دوران ٹیکس اہداف پورا کرنے میں ناکام

اسلام آباد : ایف بی آر نے 8 ماہ کے دوران 4.49 کھرب روپے ٹیکس اکٹھا کیا جبکہ ایف بی آر کو 4.73 کھرب روپے کا ٹیکس اکٹھا کرنا تھا۔

تفصیلات کے مطابق فیڈرل بورڈ آف ریونیو( ایف بی آر ) 8 ماہ کے دوران ٹیکس اہداف پورا کرنے میں ناکام ہوگیا ، ایف بی آر کو8 ماہ میں 4.73 کھرب روپے کا ٹیکس اکٹھا کرنا تھا۔

ذرائع نے بتایا کہ ایف بی آر نے 8 ماہ میں 4.49 کھرب روپے ٹیکس اکٹھا کیا، ٹیکس ہدف میں243ارب روپےکی کمی ہے۔

ذرائع کا کہنا تھا کہ پچھلے 8 ماہ کے مقابلے میں ٹیکس 18 فیصد زیادہ اکٹھا ہوا ہے جبکہ پچھلے سال کی نسبت8 ماہ میں 3.80 کھرب روپے کا ٹیکس جمع ہواتھا۔

ایف بی آر کے مطابق فروری 2023 میں ٹیکس وصولی 16 فیصد سالانہ اضافہ کے ساتھ 525ارب روپےاکٹھا ہوا، فروری 2023 میں ٹیکس وصولی کا ہدف 527 ارب روپے رکھا گیا تھا۔

Comments