کراچی: فیڈرل بیورو آف ریونیو (ایف بی آر) نے عدم ادائیگی پر پاکستان انٹرنیشنل ایئرلائن (پی آئی اے) کے 26 اکاؤنٹس منجمد کر دیے۔
تفصیلات کے مطابق ایف بی آر نے عدم ادائیگی پر قومی ایئرلائن کے خلاف ایکشن لیتے ہوئے اس کے چھبیس اکاؤنٹس منجمد کر دیے ہیں۔
ذرائع کا کہنا ہے کہ پی آئی اے کو فیڈرل ایکسائز ڈیوٹی کی مد میں 8 ارب روپے ادا کرنے ہیں، قومی ایئر لائن نے اگست میں 2 ارب روپے ادائیگی کا وعدہ کیا تھا۔
- Advertisement -
ایف بی آر کے ذرائع کا کہنا ہے کہ پی آئی اے انتظامیہ نے الگ اکاؤنٹ کھول کر فیڈرل ایکسائز ڈیوٹی کی رقم کا غلط استعمال کیا، جس پر قومی ایئر لائن کی سینئر قیادت کے خلاف قانونی کارروائی کا فیصلہ بھی کر لیا گیا ہے۔
