اسلام آباد: فیڈرل بورڈ آف ریونیو ( ایف بی آر) نے ٹیکس گوشوارے جمع کرانے کے طریقہ کار پر ویڈیو جاری کردی، ویڈیو سے ٹیکس گزار سالانہ گوشوارے آسانی سے داخل کر سکتے ہیں۔
تفصیلات کے مطابق فیڈرل بورڈ آف ریونیو ( ایف بی آر) نے سماجی رابطے کی ویب سائٹ ٹویٹر پر ٹیکس گوشوارے جمع کرانے کے طریقہ کار پر ویڈیو جاری کردی۔ سالانہ گوشوارے داخل کرنے کی ویڈیوز 6 حصوں پر مشتمل ہیں۔
ایف بی آر کے مطابق ویڈیوزکا مقصد ہے ٹیکس گزاروں کو کوئی دقت نہ ہو، ویڈیو ویب سائٹ، سوشل میڈیا اکاؤنٹس پر بھی اپلوڈ کردی گئی۔ فیڈرل بورڈ آف ریونیو کا کہنا ہے کہ ویڈیو میں ٹیکس ریفنڈ کا طریقہ سہل انداز میں بتایا گیا ہے، ویڈیو سے ٹیکس گزار سالانہ گوشوارے آسانی سے داخل کرسکتے ہیں۔
Tax Payment Procedure#FBR #IncomeTax #TaxReturns
Need to pay your tax to file your return?
It’s easy and simple as explained step-by-step in this video.
This is the sequence of six #Tutorial Videos in loop, please wait for the next video to play.https://t.co/xeXKlqa3mM— FBR (@FBRSpokesperson) November 14, 2019
یاد رہے کہ رواں سال ستمبر میں ایف بی آر نے ملک میں تنخواہ دار طبقے کی رہنمائی کے لیے ایک ایپ تیار کی جس کت تحت ایک عام تنخواہ دار آدمی بھی اپنے ٹیکس کی معلومات، ٹیکس کی ادائیگی اور دیگر تفصیلات اسمارٹ فون پر وصول کرسکے گا۔
چیئرمین ایف بی آر شبر زیدی کا کہنا تھا کہ اس ایپ کے ذیعے تنخواہ دار طبقہ نہ صرف ٹیکس فائل کرسکے گا بلکہ اس سے متعلق دیگر معلومات بھی حاصل کرسکے گا، یہ ٹیکس نظام میں عملی طور پر مکمل ڈیجیٹلائزیشن کی سمت ایک قدم ہے۔
