کراچی : فیڈرل بورڈ آف ریونیو (ایف بی آر) کی جانب سے ملک بھر میں قومی ایئرلائن (پی آئی اے) کے تمام اکاؤنٹس بحال کردیے گئے۔
تفصیلات کے مطابق پی آئی اے انتظامیہ یورپی سیفٹی ایجنسی ایاسا کے آڈٹ کے دوران بدنظمی سےبچنے کیلئے متحرک ہوگئی۔
پی آئی اے کے چیف فنانشل آفیسر نے اکاؤنٹس بحالی کے لیے ایف بی آر سے مذاکرات کئے ، ترجمان نے بتایا کہ واجبات کی ادائیگی کے لئے شیڈول طے کرنے پر مذاکرات کئے گئے۔
پی آئی اے اور ایف بی آر کے درمیان مذاکرات کامیاب ہونے پر پی آئی اے کے تمام اکاؤنٹس بحال کردیئے گئے۔
کراچی:ایف بی آر کی جانب سے ملک بھر میں پی آئی اے کے اکاؤنٹس بحال کرنے کے احکامات جاری کیے گئے، ترجمان پی آئی اے نے بتایا کہ پی آئی اے اور ایف بی آر کا لارج ٹیکس یونٹ معاملے پررابطے میں رہا۔
گذشتہ روز ایف بی آر نے ملک بھر میں پی آئی اے کے اکاؤنٹس منجمد کردیے تھے، پی آئی اے کو مجموعی طور پر ساڑھے 4 ارب کی ادائیگی کرنی ہے۔ پی آئی اے نے فروری سے لے کر اب تک ریٹرن بھی فائل نہیں کیے ہیں۔.
ایف بی آر نے بتایا تھا کہ ٹریبونل کے آرڈر پر فوری طور پر 2 ارب 70 کروڑ روپے ادا کرنے ہیں، ادائیگی نہ ہونے پر اکاؤنٹس منجمد کردیے گئے ہیں۔
