اسلام آباد: فیڈرل بورڈآف ریونیو (ایف بی آر) کا کہنا ہے کہ انوائس، سیلز ٹیکس غیر رجسٹرافراد کی طرف سے سپلائر کے اکاؤنٹ میں جمع ہوگی۔
تفصیلات کے مطابق سماجی رابطے کی ویب سائٹ ٹویٹر پر ایف بی آر نے اپنے پیغام میں سیلزٹیکس سے متعلق شناختی کارڈ کےحوالے سے جنرل آرڈر جاری کردیا۔
ایف بی آر نے سیلز ٹیکس سے متعلقہ نیک نیتی کی بناء پرشنا ختی کارڈ کے حوالے سے جنرل آرڈر جاری کر دیا.1/4
— FBR (@FBRSpokesperson) October 5, 2019
ایف بی آر نے کہا کہ شناخت کے لیے این ٹی این یا این آئی سی کی فراہمی نیک نیتی تصور ہوگی، ٹیکس انوائس کو سیلزٹیکس کے ایکٹ کی شق23 بی پوری کرتی ہو۔
خریدار کی شناخت کے لئے رپورٹ کئے گئے این ٹی این یا این آئی سی کی فراہمی نیک نیتی تصور ہو گا اگرٹیکس انوائیس سیلزٹیکس کے ایکٹ کی شق 23bکو پورا کرتا ہو.2/4
— FBR (@FBRSpokesperson) October 5, 2019
فیڈرل بورڈآف ریونیو کے مطابق خریدارکی طرف سے فراہم این آئی سی نادرا سے تصدیق شدہ ہونا چاہیے، این آئی سی یا این ٹی این فروخت کنندہ کے کسی بھی ملازم یا ساتھی کا نہ ہو۔
ایف بی آر نے مزید کہا کہ انوائس، سیلز ٹیکس غیر رجسٹرافراد کی طرف سے سپلائر کے اکاؤنٹ میں جمع ہوگی۔
حکومت تاجروں کے جائز مطالبات کو حل کرنے کے لیے تیار ہے، چیئرمین ایف بی آر
یاد رہے کہ رواں ہفتے چیئرمین ایف بی آر شبر زیدی کا کہنا تھا کہ رواں مالی سال کا ٹیکس ہدف حاصل کرلیں گے، حکومت تاجروں سے بات چیت اور اُن کے جائز مطالبات کو حل کرنے کے لیے تیار ہے۔
