فیڈرل بورڈ آف ریونیو نے اربوں روپے کا سیلز ٹیکس کا فراڈ پکڑ لیا۔

ایف بی آر کے مطابق ریجنل ٹیکس آفس 1 نے 315 ارب روپے کا سیلز ٹیکس فراڈ اسکینڈل بے نقاب کر دیا۔ آئرن اور اسٹیل سیکٹر میں 315 ارب روپے کا میگا سیلز ٹیکس فراڈ کا انکشاف ہوا تھا۔

سیلز ٹیکس فراڈ پلاٹینم انٹرنیشنل اور کے ایچ سنز کے دو ماسٹر مائنڈ اویس اسماعیل اور فرہاد کر رہے تھے۔

سیلز ٹیکس فراڈ میں ملوث معاونین اور ملزمان کو گرفتار کرلیا ہے جن میں فرہاد کا بھائی شہزاد، کزن فیصل اور ایک اہم معاون معروف الرمان شامل ہیں۔

تمام ملزمان کو اسپیشل کورٹ کسٹمز، ٹیکسیشن اور اینٹی اسمگلنگ میں پیش کر دیا گیا۔

 ماسٹر مائنڈ فرہاد کے کزن فیصل اور معاون معروف الرحمان کو جیل بھیج دیا گیا۔ بھائی شہزاد کو سات روزہ جسمانی رمانڈ پر آر ٹی او 1 ٹیم کے حوالے کیا گیا ہے۔

چیف کمشنر آر ٹی او 1 ڈاکٹر فہیم محمد کا کہنا ہے کہ مزید تحقیقات شروع کردی ہیں مزید ملزمان کی گرفتاری متوقع ہے۔