اسلام آباد : ریونیو شارٹ فال کے باوجود فیڈرل بورڈ آف ریونیو (ایف بی آر) کے افسران کیلئے 1200 سی سی کی ایک ہزار 10 بڑی گاڑیاں بک کرالی گئیں۔
تفصیلات کے مطابق فیڈرل بورڈ آف ریونیو (ایف بی آر) نے افسران کیلئے 1200 سی سی کی ایک ہزار 10 بڑی گاڑیاں بک کرالیں۔
فیڈرل بورڈ آف ریونیو نے کمپنی کے نام لیٹر آف انٹینٹ میں لکھا کہ گاڑیوں کیلئے 3 ارب روپے اپ فرنٹ ادا کیے جائیں اور گاڑیوں کی خریداری کیلئے باقی رقم اقساط میں ادا کی جائے گی۔
دستاویز میں بتایا گیا بتایا گیا ایک ہزار 10 گاڑیوں کی ڈیلیوری رواں ماہ جنوری سےلیکر مئی تک یقینی بنائی جائے، جنوری میں 75، فروری میں 200 اور مارچ میں 225 گاڑیاں ، اپریل میں 250 اور مئی میں 260 گاڑیاں ڈیلیور کی جائیں گی۔
فیڈرل بورڈ آف ریونیو نے کمپنی سے ایک ہزار10گاڑیاں اسپیشل فیچرز کے ساتھ بُک کرائی ہیں اور 386 ارب کے ریونیو شارٹ فال کے باوجود اربوں روپے گاڑیوں پر خرچ کیے جائیں گے۔
