The news is by your side.

ذرائع نے 4 مزید اہم پی ٹی آئی رہنماؤں کی گرفتاری کا خدشہ ظاہر کر دیا

اسلام آباد: ذرائع نے 4 مزید اہم پی ٹی آئی رہنماؤں کی گرفتاری کا خدشہ ظاہر کر دیا ہے۔

تفصیلات کے مطابق ذرائع نے کہا ہے کہ لاہور میں 13 اگست کے جلسے سے قبل دیگر رہنماؤں کی ممکنہ گرفتاری کا خدشہ ہے۔

ذرائع کے مطابق ممکنہ طور پر پی ٹی آئی کے 4 رہنماؤں کوگرفتار کیا جا سکتا ہے، جن میں فواد چوہدری، اسد عمر، مراد سعید، اور علی زیدی شامل ہیں۔

ذرائع نے بتایا کہ پی ٹی آئی رہنماؤں کو ایف آئی اے یا پولیس کی جانب سے گرفتار کیا جا سکتا ہے۔

نشریات کی بندش: اے آر وائی کی لائیو ٹرانسمیشن یہاں دیکھیں

واضح رہے کہ اسلام آباد پولیس نے پی ٹی آئی کے رہنما شہباز گل کو بنی گالہ جاتے ہوئے گرفتار کر لیا ہے، پولیس نے تھانہ بنی گالہ میں شہباز گل کے خلاف اداروں کے خلاف بیان بازی کا مقدمہ درج کر لیا ہے۔

شہبازگل کو بنی گالہ جاتے ہوئے پولیس نے گرفتار کرلیا

دوسری طرف شہباز گل کی گرفتاری کے بعد پی ٹی آئی کی اعلیٰ قیادت کا اجلاس عمران خان کی صدارت میں شروع ہو گیا ہے، اجلاس میں شہباز گل کی گرفتاری سے پیدا ہونے والی صورت حال پر غور کیا جا رہا ہے۔

بابر اعوان نے رہنماؤں کو قانونی پہلوؤں پر پارٹی قیادت کو بریفنگ دی، پارٹی رہنماؤں نے شہباز گل کی گرفتاری انتقامی کارروائی قرار دے دی۔

Comments

یہ بھی پڑھیں