The news is by your side.

Advertisement

شہریوں و حکومت پر حملوں کا خدشہ، امریکی انٹیلی جنس کی وارننگ جاری

واشنگٹن : خفیہ اداروں نے خبردار کیا ہے کہ امریکا میں نسلی تعصب رکھنے والے گروہ سب سے زیادہ خطرناک ہیں، مقامی انتہاپسند شہریوں اور حکومت پر حملوں کی منصوبہ بندی کررہے ہیں۔

غیر ملکی خبر رساں ادارے کی رپورٹ کے مطابق امریکی اننٹیلی جنس ایجنسیوں نے حکومت کو مقامی انتہا پسندوں سے خبردار کرتے ہوئے کہا ہے کہ پرتشدد نظریات رکھنے والے انتہا پسند حملوں کےلیے تیار بیٹھے ہیں۔

رپورٹ میں کہا گیا ہے کہ امریکا کو سب سے بڑا خطرہ داخلی انتہاپسندی سے ہے، نسلی تعصب رکھنے والے گروہ سب سے زیادہ خطرناک ہیں۔

امریکا میں حملوں سے متعلق رپورٹ ڈائریکٹر آف نیشنل انٹیلی جنس کی جانب سے وائٹ ہاؤس اور کانگریس کو ارسال کی گئی۔

ماہرین نے کہا ہے کہ ٹرمپ دور میں سفید فام بالا دستی کے نظریات اور انتہا پسندی کو فروغ ملا، چھ جنوری کو کانگریس کی عمارت پر ہونے والا حملہ اسی سلسلے کی ایک کڑی ہے۔

Comments

یہ بھی پڑھیں