The news is by your side.

Advertisement

بچوں میں کرونا طرز کی بیماری کا خوف، ڈاکٹروں کا ہنگامی انتباہ

لندن: برطانیہ میں کروناوائرس طرز کی نئی بیماری نے والدین کو خوف زدہ کردیا، قومی ادارہ برائے صحت کے ڈاکٹروں کی جانب سے ہنگامی انتباہ جاری ہوگیا۔

غیرملکی خبررساں ادارے کی رپورٹ کے مطابق ماہرین نے خبردار کیا ہے کہ برطانیہ میں متعدد ایسے بچے زیرعلاج ہیں جن میں کرونامریضوں جیسی حالت پائی گئی، مذکورہ بیماری وبائی مرض کے طرز کی ہے۔

رپورٹ میں کہا گیا ہے کہ زیرعلاج بچے کروناوائرس کا شکار نہیں البتہ انہیں ایسی بیماری لاحق ہے جس کے باعث ان کے پیٹ میں درد، پیچس اور الٹیاں ہورہی ہیں جبکہ دل میں سونج کی بھی شکایت سامنے آئی ہے۔

ڈاکٹروں نے اس پراسرار حالت کا موازنہ کرونا اور زہریلی بیماریوں سے کیا ہے۔ جو مریضوں کو شدید نقصان پہنچانے سمیت سوجن، بخار اور سانس لینے میں دشواری کا باعث بنتی ہے۔

بچوں میں کرونا کی علامات کیا ہوتی ہیں؟ ماہرین نے بتا دیا

خیال رہے کہ بچوں میں کروناوائرس کی بہت سی علامات ہوسکتی ہیں، تاہم کچھ ایسی علامات ہیں جو اگر بچوں میں نمایاں ہوں تو فوری طور پر والدین کو اقدامات اٹھانا ہوں گے۔

عالمی ماہرین کے مطابق اگر بچہ غیرمعمولی بخار کا شکار ہوجائے یا سانس لینے میں شدید دشواری پیش آرہی ہو اور ساتھ ہی کھانسی نہ رکے تو یہ بچوں میں کروناوائرس کی علامات ہوسکتی ہیں۔

Comments

یہ بھی پڑھیں