لاہور : کپتان کی گرفتاری کے خدشے کے پیش ںظر زمان پارک میں پی ٹی آئی کارکنان الرٹ ہیں، کارکنان نے سے ساری رات جاگ کرگزاری۔
تفصیلات کے مطابق چیئرمین پی ٹی آئی عمران خان کی گرفتاری کے خدشے کے پیش نظرپی ٹی آئی کار کنوں کی بڑی تعداد رات گئے سے زمان پارک پر موجود ہے۔
کارکنان ے ساری رات جاگ کرگزاری اور صبح بھی الرٹ ہیں جبکہ خواتین کارکنوں نے بھی لاٹھیاں اٹھالیں ہیں۔
قیدی وینز اور پولیس موبائلزنےاطراف کا گشت کیا تو عمران تیرےجاں نثار،بےشمار،بےشمار کےنعروں سےفضاگونج اٹھی۔
پولیس کی درجنوں گاڑیوں اور قیدی وینز نے اطراف کے علاقے کا گشت کیا اس دوران پرجوش کارکنوں نےکپتان کےحق میں نعرے لگائے اورکہا قیدی وین ، پولیس موبائل کےگشت سے نہیں ڈرتے۔
پاکستان تحریکِ انصاف کے رہنماؤں کا کہنا تھا ان کی جماعت آئین و قانون کا احترام کرتی ہے۔۔ حکومت ہوش کے ناخن لے، عمران خان کو غیرقانونی طریقے سے گرفتارکرنے کی اجازت نہیں دیں۔
یاد رہے گذشتہ روز لاہور ہائی کورٹ نے عمران خان کی حفاظتی ضمانت کی درخواست مسترد کرتے ہوئے پیر کو پیش ہونے کا حکم دیا۔
