ایئرکارگو ایجنٹ ایسوسی ایشن نےحکومت کو خبردار کیا ہے کہ فضائی راستوں سے برآمدات رکنے کا خدشہ ہے۔

ایسوسی ایشن کے مطابق 3 ماہ سے غیرملکی ایئرلائنز کو زرمبادلہ میں ادائیگی نہیں کی جا رہی ایئرلائنز نے پاکستان کیلئے ایکسپورٹ سروسز معطل کرنےکا کہہ دیا۔

پاکستان سے بذریعہ ایئرکارگو سی فوڈ، گوشت، پھل، سبزیاں ایکسپورٹ ہوتی ہیں ٹیکسٹائل، چمڑا مصنوعات، کھیلوں کا سامان اور سرجیکل آلات بھی ایکسپورٹ ہوتے ہیں۔

پاکستان سے ایئرکارگو ایکسپورٹ کا 85 فیصد غیرملکی ایئرلائنز سے ہوتا ہے۔

ایسوسی ایشن کا کہنا ہے کہ پی آئی اے میں ایئرکارگو ایکسپورٹ کرنےکی سکت نہیں ہے ایئرکارگوسےبرآمدات معطل ہوئیں تومعاشی مشکلات بڑھیں گی۔

ایسوسی ایشن نے اپیل کی ہے کہ شدیدمعاشی مشکلات کی وجہ سےغیرملکی ایئرلائنز پہلے ہی اپنی سروسزبند کر رہی ہیں حکومت ایئرکارگو سروسز پر غیرملکی ایئرلائنز کو ادائیگی ممکن بنائے۔