نئی دہلی: بھارت میں بندروں نے مودی سرکار کو تگنی کا ناچ نچا دیا، ہر قسم کے لائحہ عمل میں ناکامی کے بعد انتظامیہ نے دلچسپ حکمت عملی تیار کرلی ہے۔
غیرملکی خبررساں ادارے کی رپورٹ کے مطابق بھارتی بارڈر گارڈز نے بندروں کو اطراف سے ڈرا کر بھگانے کے لیے بھالو کا روپ دھارا جس کی ویڈیو سوشل میڈیا پر بھی وائرل ہوگئی۔
رپورٹ میں کہا گیا ہے کہ بھارت کے تبت بارڈر پر مسلسل بندروں کی جانب سے حملے کے پیش نظر یہ حکمت عملی اپنائی گئی ہے، بندروں کے جھنڈ بارڈ کے اطراف قائم گارڈز کے دفاتر پر نہ صرف حملہ کرتے بلکہ فرائض کی ادائیگی کے دوران مداخلت بھی کرتے ہیں۔ وائرل ہونی ویڈیو پر سوشل میڈیا صارفین نے مزاحیہ تبصرے بھی کیے۔
ویڈیو میں دیکھا جاسکتا ہے کہ دو بارڈر گارڈ کالے بھالو کا روپ دھارے نمودار ہوئے جسے دیکھ کر کئی بندروں نے راہ فرار اختیار کی۔ بھارت کا شمال اترکھنڈ صوبہ بندروں کی آماج گاہ بن چکا ہے۔
دوسری جانب شمالی بھارت میں قائم پنجاب اور ہریانا کے سول سیکریٹری ہیڈ کوارٹرپر بندروں کا حملہ معمول بن چکا ہے، افسران کا کہنا ہے کہ بندر بالکنی اور کھڑیوں سے دفتر میں داخل ہوتے ہیں جس کے باعث ملازمین کام کرنے سے قاصر ہیں۔
#WATCH: 2 Indo-Tibetan Border Police personnel at ITBP Camp-Mirthi, Uttarakhand dressed in ‘bear’ costume to scare away monkeys on the premises. (Source-ITBP) pic.twitter.com/YeZXaXAgze
— ANI (@ANI) March 9, 2020
